林鄭向宋楚瑜推銷大灣區
2019-04-17
特首林鄭月娥(右)噚日與訪港嘅台灣親民黨主席宋楚瑜(左)喺禮賓府見面,林太鼓勵台灣企業利用香港作為平台,開拓大灣區商機。(政府新聞處)

【明報專訊】繼高雄市長韓國瑜訪問內地後,台灣親民黨主席宋楚瑜近日亦展開訪問粵港澳大灣區城市之旅,第一站來到香港。繼宋楚瑜去中聯辦見主任王志民後,特首林鄭月娥、政制及內地事務局長聶德權噚日亦分別同宋楚瑜會面。林太趁機向對方推銷大灣區,話大灣區係內地其中一個開放程度最高、經濟活力最強嘅區域,發展潛力大,會帶來無限機遇;佢鼓勵台灣企業利用香港作為平台,開拓大灣區嘅商機。

鼓勵台企借港開拓灣區商機

林太話,香港係大灣區其中一個「中心城市」,喺大​​灣區發展中將發揮積極作用,而特區政府會致力推動金融、商貿、物流、專業服務等向高端高增值方向發展,亦會建設香港成為亞太區國際法律及爭議解決服務中心。

宋楚瑜之後會轉到澳門、珠海、中山等大灣區城市考察,以及同當地嘅台商交流座談。佢出發前話希望了解大灣區未來對台灣可能造成嘅影響。

粵港澳大灣區文章